கொரோனாவை தடுக்க இங்கிலாந்து 3 வாரங்கள் முடக்கம்

அருள் March 24, 2020 உலகம் 8 Views

பக்கத்தை பகிர்ந்து கொள்ள!

கொரோனாவை தடுக்க இங்கிலாந்து 3 வாரங்கள் முடக்கம்

கொரோனா பரவாமல் தடுக்க இங்கிலாந்து முழுவதும் 3 வாரங்கள் முடக்கப்படுவதாக அந்நாட்டு பிரதமர் போரிஸ் ஜான்சன் அறிவித்துள்ளார்.

இது தொடர்பாக அவர் நாட்டு மக்களுக்கு தொலைக்காட்சியில் உரையாற்றினார். அப்போது அவர் கூறியதாவது:-

கொரோனா வைரஸ் தடுப்பு நடவடிக்கையாக இங்கிலாந்து 3 வாரங்களுக்கு முடக்கப்படுகிறது. திருமணம் உள்ளிட்ட அனைத்து நிகழ்ச்சிகளையும் மூன்று வாரங்களுக்கு தள்ளி வைக்க வேண்டும்.

உணவு, மருந்து ஆகிய அத்தியவாசிய பொருட்கள் விற்பனை செய்யும் கடைகள் திறந்து இருக்கும். அத்தியாவசிய பொருட்களை வாங்க மட்டுமே மக்கள் வீட்டை விட்டு வெளியே வர அனுமதிக்கப்படுவார்கள். பொது இடங்களில் இரண்டு பேருக்கு மேல் கூடினால் கடும் தண்டனை வழங்கப்படும்.

இங்கிலாந்து மக்களுக்கு நான் மிக எளிய வழி முறையை தெரிவிப்பது என்னவென்றால் வீடுகளிலேயே இருங்கள் என்பது தான். இதை நாம் கண்டிப்பாக கடைபிடிக்க வேண்டும்.

இவ்வாறு அவர் கூறினார்.